O cado de lo marica

Güe remata la semana puta 2009. Pero ixo ye un dicir. O mesmo martes, dimpués d'a suya primer nueit, decidié abortar o prochecto Semana Puta 2009, más que más, ta no frustrar-me.

O caso ye que a primer nueit estió un fracaso estrepitoso: tenié que convidar a cenar, me dión pochons, no sabión buquir-me bien y, amás, se quedón a dormir.

Conclusión: a o maitín venient me trobé un cuerpo extranyo abrazau a yo en o mío leito, sudando per a calor y colando-se en a mi duita.

Tot lo menos pareixiu a una nueit puta.

Asinas que decidié meter fin a ista inchiusticia mundial contra la mia persona. Y para no frustrar-me deicidié convertir ista semana en a Semana Santa adebantada. Estié una santa mientres la resto d'a semana y mesmo convidé a cenar a os míos amigos heterosexuals.

Maitín ye o diya. A la una d'o maitín, un vuelto ta London-Stansted me dixará solenco en casa mientres una semana.

Per l'inte l'achenda ye bueda. Pero maitín caldrá prencipiar a plenar-la.

L'unico miedo que tengo agora ye que no hi haiga con quí plenar-la.

Ye prou fesable que no hi haiga denguno...

Así que ye millor no cantar victoria antis de cosa...

Maitín se veyerá.

Dende primer hora d'o maitín, caldrá bullir os telefonos... d'os amigos.

A semana venient, o mío companyer de piso se'n va de vacanzas ta Irlanda. Y yo, ye esclatero, me quedo solenco en casa. Ixo significa que meto en marcha la primer edición d'a SEMANA PUTA 2009.

Oleif motiv d'ista primer SEMANA PUTA, como voi a denominar a partir d'agora os periodos que siga solenco en casa mía, ye "¡pilla-te a mazana!", una alegoría a o pecau orichinal d'Eva, que dio de minchar mazanas a o suyo companyer d'o paradiso. En ista ocasión yo soi a mazana que s'ufre ta estar minchada mientres a semana. Ye esclatero qué ye lo que se va a fer en casa mía en os diyas d'a semana puta. No cal que s'explaniquen más cosas...

Lo que fa interesant a isto d'a SEMANA PUTA ye que o blog bullirá de postz, contando as istorias previas a os polvos que hi tendrán puesto. Ixo y que serán contaus uno a uno.

A Semana Puta pretende, dende luego, charrar de sexo sin vergonya y d'una traza ubierta, pero tamién, cal dicir-lo, animar o blog, interactuar con os lectors (ya sabes que puetz contactar-me dende o mesmo blog ta estar protagornista d'un diya d'a semana puta) y fer-nos unas risetas.

Asinas que dende güe prencipian os preparativos d'a semana puta (que iré contando). Y o lunes, o primer diya solenco en casa... ¿qué hi sucederá?

No te pierdas a semana puta si quiers saber cómo remata iste experimento sociosexual marica... ¡en aragonés!

A gara de Huesca ha gomecau a o tren a una colla d'adolescentz cargaus con botellas que ha dispertau o mío deseu. Atrás han quedau as sordidas parabras d'a puerta de l'escusau d'a gara de tren. Busco rabo. Pareja treintañera busca pasivo de 18 a 29. Pasivo cheposo busca fato activo. As garas de tren bullen de sexo sin compleixos. Encara que sigan as de provincias.

A gollada se trafega per a finestra d'o ferrobou. Un solenco vagón fa iste recorrido dos vegadas a o diya. A o fundo veigo a resta d'a nevada d'antisdayere. Me pienso que me cuacaría cazar ixa nevada ta yo solenco, entre as mías nalgas. Remero que os adolescentz continan en o compartimento contiguo. Puyo a gollada y los veigo. Comparten en chambreta una litrona d'ordio. No puedo evitar notar una leve presión en a mía bragueta, que acompanyada d'o traqueteu d'o tren plega en convertir-se en un prominent bulto que cuasi prencipia a fer-me sentir dolor.

Tranco los güellos y me veigo postrau en un leito. L'abrigallo con que disimulo a mía trempada m'aduya a prexinar as sabanas. A imachen que he reteniu de l'adoleszent m'aduya a creyar en o mío esmo a suya polla. La disfruto muito lentament. O traqueteu d'o tren m'aduya ista vegada a prexinar as suyas embestidas, cada vegada más salvaches conforme o tren se va adentrando en a montanya.

Disfruto de cada segundo d'imachinación que nomás será que en o mío esmo. Me meto a mil. Sublimo tot lo mío amor no correspondiu en istos cinco menutos de sexo ficticio dica que, a la fin, exhausto, caigo rendiu sobre o posiento d'o Rechional y siento, a la fin, a nevada calida de l'adolescent sobre as mías nalgas. Ubro os güellos y le veigo. Me dentran ganas de besar-le, pero luego torno a la reyalidat. Ye allora cuan soi conscient de que tot ha estau una ensoniación más sin sentiu, un deseu truncau que nunca no será reyalidat. Toda la pasión se torna desazón.

L'adolescent allora se me mira, como si parixese enterau de cada imachen que ha pasau per o mío esmo. Se debanta y, encara sin quitar-me a gollada de dencima, se posa sobre un d'os suyos colegas, con a cara en a suya frent y prencipia a besar-le o cuello mientres s'apreta a él. No atura de mirar-me. Me sonrido, en una mixtura d'aprebación, complicidat y lascivia. Torno a la finestra. Sobre a mía cabeza s'alzan as falicas formas d'os Mallos de Riglos, dica que disaparixen zaga la vechetación. O viache va a estar luengo.

No sabeba si colgar ista nunilada...

...u ista salvachada: 

Asinas que a la fin m'he quedau con as dos cosas.

Prou que a segunda ye más divertida... (y excitant) 

¿A mía vida ye una puta mierda? Puede estar, pero tamién puede estar que no... Tot ye una custión de midas, una custión de preferencias, una custión d'ideyas...

A vida puede estar una puta mierda tan fácil como no puede estar-lo. Puede estar tan buena como mala, tan intresant como aburrida, tan blanca como negra.

A vida, a la fin, no ye que un camín enta la muerte. Y nomás bi ha que una, como ta desperdiciar-la.

Uno ya no sabe lo que ye, ni ye lo que sabe. Uno ye un cuerpo errante enta la muerte y enta la finitiva paz. Enta l'orgasmo final que ye o bienestar que puede dar no estar, no sentir, no sofrir, nomás estar que un esmo trafegau dimpués d'una baralla enta la demba final.

Y, tanimientres, per o camín, uno puede tirar a suya vida per l'escusau u fer-la d'a traza suya, prebando d'estar feliz en un mundo d'infelices, u prebando d'estar infeliz en un mundo de felices.

(Y, amás, lo sabes,...)

A lo millor ye una mierda estar gai, a lo millor ye una mierda desperdiciar a vida prebando d'estar feliz cuan prevoca más felicidat estar 'normal', estar integrau, estar una familia feliz servida en un plato bullindo.

¿Qué ye estar feliz? ¿Qué ye estar infeliz? ¿Quí lo mide?

Si nomás bi ha que una reyalidat ta cadagún, ¿cómo se sabe si l'atra reyalidat no ye la más feliz? No se podrá prebar un atra reyalidat... ¿u si? ¿Ye ta cutio?

¿Qué ye cutio?

...

Barucas. De nueit. No me faigaz caso. Soi canso, solenco en casa, y os míos amigos son muito luen. (Y fa fredo).

O patxaran fa pensar... 

Feba tiempos que no ascuitaba Prodigy, pero güe m'ha veniu ista canta a la cabeza pensando-me en a efebía inversa, un nuevo concepto d'a sexualidat que en zagueras tamién me ronda per a cabeza.

Y ye que ¡uou! os antigos griegos manteniban relacions sexuals entre éls, pero con una condición ta no estar consideraus lo que agora diríanos dirty faggots: yera o mayestro qui l'amostraba a l'efebo todas as artes y ciencias d'o mundo. Incluyiu o sexo. Yera una sociedat, allora, an que os adultos amostraban a os efebos, os "ados", tot lo que eban de saber ta la vida adulta. Y, como muestra d'ixe amor que yera la educación les buquiban.

Güe, talment sigan os efebos os que tienen muito que amostrar-nos a la resta, a os adultos... Y yo me pregunto... ¿qué tiene de malo, allora, la efebía inversa?

¡Yo quiero que os efebos m'amuestren as artes amatorias! ¿Beluno de 18 a 20 s'anima?

Prometo muito smack my bitch up! 

Soi estau solenco
   y m'he zorrupau a botella de
                 Torrelongares
que dixemos ubierta a nueit d'antis d'ayere
       y que anueit no queriés benir-te-ie
   a acotolar-la con yo.
        T'acotolar-nos
como s'acotola iste menú ta dos solenco,
   posau en a cozina
       mientres a radio me fa remerar
                          (en distorsión)
que ye de chenero marica querer estar choben ta cutio.
             Mola estar choben
                          (u millor)
   Mola sentir-se choben ta cutio
                          (Forever young)
como qui se siente bibo per enchegar
       a fuen d'a bida
             que da paso a la quietut
d'una satisfaczión plena y deseyada.
Soi estau solenco
                          (y estié solenco
                          per muito tiempo)
   y o Torrelongares s'ha acotolau.
        Y con Baco se'n ye iu
a tuya remeranza
        y a remeranza d'a nueit d'antis d'ayere.
             Y con ella la chobentut
                          (Forever young)
             d'a quietut madura y plena. 

Un mayestro de yo (que mira-te que en yera, de fato), lo deziba en a suya clase de Filosofía.  Pero ye que teneba razón.

Bi ha tres diyas feitos ta buquir en iste país nuestro: lo 14 d'agosto, l'onze d'otube y o 31 d'abiento.  Y yo, os tres zagueros, no buquié.

Nian con yo mesmo...

¿Ta do imos a plegar?

Ya ye nadal. I habríanos d'estar contentos, ¿no? Chentas familiars, gastar totz os diners en presents, o sobrino cantando villancicos dica las seis d'o maitín...

Con tot i con ixo, a yo lo nadal me fa buen prebo. Os amigos gais fugaus luen se'n tornan, como l'almendro, en Aragón ta pasar os diyas con a familia, con os amigos,... A vegadas me pienso si sólo que ta dar envidia.

Más que más perque prencipian a recentar-te cosas arredol de cómo ye l'afer marica difuera d'Aragón. I bi surten cosas intresants. No sé si han estau éls os cobardes marchando-ie, u soi estau yo per quedar-me

A verdat ye que Zaragoza pude. Pude perque encara ye un pueblo ta istas cosas i, pero muito que digamos que no, totz istos afers, mesmo a os chobens se nos quedan luen. Muito luen. (Fa fredo, soi solenco en casa... i os míos amigos son muito luen).

Talment a solución siga marchar-ie. Talment asinas s'aconsiga la felicidat en beras.

Y si no, siempre queda chentar con a parentalla, aguantar a o sobrino u mesmo cantar villancicos. Éls, a la fin de tot, tamién lo fan.