O cado de lo marica

Toda la chen s'apremia ta zelebrar l'argüello gai, que será o benién 28 de chunio en tot lo mundo, calendata en la que se remeran os disturbios de Stonewall Inn, en NY, an que una colla d'omosexuals s'enfrontión a la polizía, qui feba una redada indiscriminada. Dende allora, toz os 28 de chunio se remera iste feito, que supusió l'inizio d'a luita d'aliberazión d'o coleutibo LGTB.

Iste blog se suma a la zelebrazión con una serie d'articlos y autualizazions:

• ¿Per qué cal continar con argüello?: Dimpués de l'aprebazión d'o matrimonio entre personas d'o mesmo sexo y a lei de cambio de sexo encara bi ha luitas que cal enantar. Cada diya se ferá un articlo a o respeuto.
• Informazión en aragonés a o respeuto de l'argüello y d'as manifestazions y combocatorias de zelebrazión tanto en o país como difuera d'él. Perque no sólo que en Aragón ye l'argüello.
• ChulArgüello dosmilgüeito: Eslechiremos a o largo d'a semana a o ChulArgüello dosmilgüeito d'iste blog, con fotos d'os mozetz más polius y picantons.
• Cómo no, a lo menos una autualizazión diyaria d'os articlos cutianos d'iste blog.

...Y a buestra partizipazión: comentarios a o respeuto y feedback. Que sin ixo, isto no ye un blog.

...Y amás: os blogs chirmanaus tamién zelebrarán l'argüello. http://elmarica.nireblog.com (en asturiano) y http://thefags.nireblog.com (en anglés).

39: Pinars de Benezia - Badorrei; a l'altaria de l'abenida San Chusep. Una sinyora ye posada a o mío canto y per a finestra d'o bus se bei una mozeta d'unos 25 anyos bestida con una faldeta fineta y un top. Brenca más.

- Oi! Qué bergonya! No sé cómo s'atreben a salir asinas ta la carrera.

Denguno no le fa caso. Torna a ripitir:

- ¡Qué bergonya!

Me la miro, pienso un ratet. Me la torno a mirar. (Se masca la masacre).

- ¿Le fa mal mirar-se ixo?
- Sí, ye que no tiene bergonya.
- Allora más mal le ferá saber que ye posada a o canto d'un maricón.

Silenzio.

Chilo... Oiii!

- Sinbergonya!

Se fazió lo silenzio. Dica la parada.

Ye lo más poliu que m'han clamau dica agora per estar maricón: "sinbergonya". Lo que encara me pregunto ye per qué no se debantó d'o mío canto si le daba tanta bergonya. Bueno, sí, yera una lola...

Sí, lo sé.  Fa muito que no escribo, y abría de fer-lo más a sobén, pero ye que no adubo ta cosa en zagueras,...

No adubo ta cosa con o treballo, con a mía casa -m'he independizau-, con os rollos d'as mías asoziazions,... Me baga ta tot fueras de ta follar, como siempre.  Pero ye que tampoco no bi ha motibos -ni personas- ta follar.  Iste estiu mortal sin primabera -Labordeta dixit- me ye dixando ta l'arrastre.  Más que más per ixo d'as ganas de buquir con que me debanto toz os diyas.

No bi ha garra cosa nueba ta charrar-ne.  A mía bida contina igual: eteronormatibidat, pallas, omofobia, pallas, medrana, pallas, sordidez informatica, pallas, manca de responsabilidat d'a chen, pallas, bisexuals, pallas,...

Ye a istoria de nunca no rematar, y ta contar toz os diyas as mesmas mierdas con esferens parolas, pues millor no escribo,...

Ya lo feré cuan tienga cosas que contar...

...Y tiempo ta contar-las.

Ista ye Fluvi Chisla, a mascota d'a güenya ixa que fan en Raniellas y que se diz Expoculazión.  Bien, pues totz sabébanos ya a istas altarias que Fluvi ye una chica, ye una gota d'augua balient y dezidiza que bibe en as marguins de l'Ebro. Se'n fa per o desembolique sostenible y per aforrar augua.

Y no lo digo yo ixo de que ye chica, sino que lo diz El Periódico de Aragón en a pregunta 79 d'ista coleczión de 100 FAQs sobre a Expo.

A diya de güe, toda la ziudat asume que Fluvi ye una chica y muitas personas zelebran que, a la fin, a mascota d'un ebento tan important como iste siga de chenero femenino.

Agora bien, en o diyario Metro de güe, s'ha destapau l'escandalo: ¡¡Fluvi podría tener una nobia polaca!!  Se diz Apolonia y ye a mascota que ripresentará a Polonia en a Expo:

SEC. 1: ESTERIOR, DIYA, PARADA D'AUTOBÚS

Rudio d'a carrera. Se beye plegar l'autobús (primer plano) y la camara cambeya de plano (de frent a la puerta an que baixan os pasacheros.

En primer plano, Pietro baixa de l'autobús. Porta cascos y china chana, s'ascuita a mosica que porta (Green Day, Basket Case).

Pietro anda ta la camara. Cambeyo de plano. Pietro d'espaldas caminando enta un bar.

 

 

SEC. 2: INTERIOR D'UN BAR.

Se le beye entrar-ie direuto ta una mesa. Se posa y se quita os cascos, suena a mosica como si s'acuitase dende os cascos. Pietro esenchega o MP3 y lo dixa en a mesa. Biene o cambrero.

CAMBRERO

Hola, buenas. ¿Qué quieres?

PIETRO

Un botellín, por favor.

 

Pietro pilla o “Heraldo” y lo leye. Mientres, entra en o bar Lorién y ba ta la mesa an que ye Pietro.

LORIÉN

Ola, Pietro.

Pietro debanta la bista d'o periodico y lo reculle.

PIETRO

Ola, Lori. Se besan en a boca. ¿Qué tal yes?

Aparixe o cambrero con o botellín y lo dixa en a mesa.

LORIÉN

A o cambrero: Me pones otro, por favor.

A Lorién: Bien, soi bien. No m'he cansau guaire güe en clase. A dizir berdat, no hemos feito cosa. A primer ora no ha iu lo mayestro, a segunda ora tenébanos istoria y a terzer produzión y nomás emos feito clase normal que en historia. Y tú, ¿qué tal o diya?

PIETRO

Dica os collons d'os cliens. Toz se creyen que nomás esisten que éls. Bien se bale que güe ha tornau Isabel de bacanzas. Si no, me pego tot lo diya atendendo a o telefono.

O cambrero mete a biera de Lorién.

LORIÉN

Muchas gracias.

CAMBRERO

De nada.

PIETRO

¿Y tus pais qué tal?

LORIÉN

Millor d'ixo no en parlamos.

PIETRO

Imos Lorién, no me floras. Emos parlau d'ixo muitas begadas. No puez fer siempre como que no pasa cosa. Pasa, y muito.

LORIÉN

Carranyau. ¡Te he dito que no pasa cosa y no pasa cosa!

En zagueras, cuasi no tiengo tiempo de pensar en o sexo (¡!). Boi d'aquí t'allá con as mil y una cosetas que tiengo que fer amás d'o treballo, as mil y una cosetas d'as que nunca no parlaré en iste blog.

Beluno d'os míos lectors me dizió ya fa tiempo que asperaba que nunca no dixase de parlar de l'afer tematico d'iste blog y a berdat ye que nunca no lo he feito, encara que muitos d'os míos amigos me digan que no comprenden que escriba un blog sobre iste afer y muito menos en aragonés.

Os aragonesofablans me preguntan que per qué escribo d'iste afer. Os maricas me preguntan que per qué escribo en aragonés si no pueden entender-me. Y os míos amigos -"simplament"- me preguntan que per qué escribo d'iste afer y en aragonés.

Maitín -ya güe-, ye primer de mayo. Si escribise de bella cosa más que d'o sexo abría de dizir que ye o diya d'o treballo. O diya d'o treballo con conflicto laboral con a mía interpresa. Y conflicto grau, pero no en parlaré. No en parlaré perque, encara que l'atro diya creticase a Monica Naranjo, güe no foi atra que ascuitar o suyo zaguer disco.

"Y mi palacio fue la juventud". "Decide ya sin ser sentimental quién te ha dicho la verdad y quien no". "Tengo que olvidar que eso que aprendí menos el amor era todo mentira",...

Ixas parolas, chunto a atras, en iste inte, no fan que fer-me xublidar o conflicto laboral, pero bi ha atros conflictos más importans en iste inte (eteros, no prebez d'empatizar, ye claro que no podrez). O sabado he quedau con a mía amiga Jessy ta salir per -literalment- "los garitos más sórdidos de la ciudad". ¿Ye irresponsable que me'n faiga más ixo que os problemas laborals? ¿U ye que o mío palazio estió a chobentut u que he de dezidir sin estar sentimental qui me dizió a berdat y quién no? ¿U nomás que ye tiengo que xublidar que ixo que aprendié -mesmo as relazions laborals-, menos l'amor, yera tot mentira?

Talment sí, ye irresponsable. Pero ye que nadie dizió que os maricas -ni yo- sigamos responsables. Paraz cuenta que a nuestra simient se troba con caca cuan buquimos (¡cudiau, que asinas tamién amamos! -puede estar que nomás que belunos-). No bi ha atra irresponsabilidat a os güellos de Dios.

Bien se bale que ixe no ye o Dios de Chesucristo. Puede estar atro, pero no pas ixe. Nomás cal remerar os bersos d'Alber.

Per zierto, que iste maitín m'he trobau con -clamemos-le- o-zagal-de-fa-un-anyo. Yo yera en o bus, él en a parada. No m'ha bisto. Yera tan poliu como siempre. Pero encara lebo un anyo asperando que nos faigamos un café. Bel diya tos charraré d'él, que a lo menos, él, si lo leye, puede entender-lo. Que ye aragonesofablán. Y gai. ¿Rarizo, no?

Bueno, a lo menos tan rarizo como yo.

¿Entendez l'enfado? Yo no. Abría d'estar-lo, pero no lo soi. Y ixo que no tiengo ganas de buquir,... encara que m'aiga nomorau.  Dos begadas.

L'articlo que boi a escribir güe ba a debantar ampollas.

Muitas ampollas...

Soi farto d'o porno de primers planos: no quiero beyer bideos-fotocopia de pollas entrando en culos, quiero caras golosas y embestidas brutals, perque ta mirar-me cualsiquier cosa que puedo beyer de zerca follando yo, me foi pallas.

As istorias son unibersals. Toda la chen bibe as mesmas istorias, antis u dimpués. Pero que una serie de telebisión en dos semanas relate de traza tan fiel a bida d'uno ye ta fer-se-ne.

Yo no sé encara qué feba o domingo beyendo Fama. Ye berdat que beyer a un pabo bailando en gayumbos no tiene pre, y o mío colega Alber puede dizir muito a o respeutibe.

Manimenos, muito tiempo perdié mirando-me un programa con o que puedes preguntar-te si encara bi ha eterosexuals en o mundo. Perque en telezinco Fidel la yera montando muito muito muito gorda:

Istos diyas que soi remerando y planteyando-me muitas cosas a o respeuto d'a sexualidat y cómo compartir-la con os amigos y que os amigos la compartan con tú, beyer chanzas d'ista traza aduya a tomar-se as cosas con muita umor. Pero uno siempre echa en falta autituz como istas y quieras que no, grans berdaz an que han d'estar-ie...

Pero ya se sabe, a la fin, en a ziudat bi ha más truchas que en o río d'o lugar...

...d'ixo, muitos d'os míos exnobios en saben muito.

Si, a la fin, as istorias son as mesmas siempre. Uno se creye que ye l'unico en beras ta una persona y a la fin tot ye una gran mentira y cuan se descubre a berdat nomás quedan que as tres mes, masache, mascarilla y Meg Ryan. U lo que ye o mesmo, muito chelau de chicolate:

A lo menos, uno siempre puede redir-se-ne. Ye lo millor.

No se charra d'atra cosa.  S'ha aturau o mundo, no pasa cosa difuera: la Naranjas ha quitau un disco ta la carrera!

He de reconoixer que m'he baixau o disco, pero nomás que ta beyer en primer persona si, en reyalidat ye tan bueno como dizen.

Talment no siga un marica de tot, perque a yo de cutio, la Naranjas rai.  No m'ha cuacau a mosica d'ella.  Y que as maricas tengan como  idolo adoleszent a una muller siempre m'ha pareixiu una mica contradictorio.  Más idolos me pareixerían Mario Casas u Hugo Silva, que encara que no sigan ni mosicos ni maricas, son muito más canyons que no atros d'a caixa fata.

As dibas gais siempre m'han pareixiu productos comerzials.  Cadagún de nusatros emos de tener-ne una ta estar un buen marica, una famosa y una mariliendres.  As mariliendres son como as dibas pero d'andar per casa.

Yo no tiengo dibas mullers.  Y d'a mía mariliendres, millor ni charramos.  Que no le cuaca ir con yo ta l'ambient, no baiga a estar que bella bollera le i entre.  Encara que yo creigo que lo que le fote ye que no pueda dizir-le que no.

En fin, que ta maricadas totz somos paraus, pero bi ha maricadas que no soporto.  Y, I'm sorry, a la Naranjas no la aguantan nian en casa suya.

Fa dos lunas que nos conoixiemos, una que lo dixemos. Lo remero perque en as tres zagueras lunas m'he aturau a pensar en tú debant d'a luna plena, perque he ascuitau as mesmas cantas que me fan remerar-te.

Y perque dende que te conoixié ya no siento lo mesmo que sentiba antis cuan me cuaca un ombre. Soi un egoísta, lo sé. Paré cuenta antisdayere cuan borré o tuyo numero d'a memoria d'o mío móbil; pero  ye que diziés que quererbas estar o mío amigo. Y no lo contimostrés, encara que a bida ya m'eba amostrau que ixo no podeba estar. Pero con tú fazié un poder. Sí, per l'egoísmo de pensar-me que encara yera fesable compartir a mía bida con tú.

No te culpo. Soi tan ababol que no te culpo de que me mentises cuan me diés os motibos de per qué no quererbas estar con yo. Perque en o fundo me mintiés ta no fer-me sofrir, pero enchegués a maquina d'un futurible que güe, dos lunas dimpués, encara aspero beyer plegar.

Y me tiro en cualsiquier leito a remerar-te, a plenar-me d'asperanzass que no plegarán en garra puesto, aferrando-me a la remota posibilidat de que bel diya cambeyes d'opinión y que a crazy nuei que chuntos asperamos fer machica y espezial siga más amán.

Tot perque me diziés que no te sentibas parau ta prenzipiar garra relazión en cuenta de dizir-me que no te cuacaba.

Podrías aber dito a berdat.

No costaba cosa.

U a lo menos, no guaire.

Ese estau millor.

Y más maduro.