marica. Ombre omosexual. // 2. Faltada emplegada con u sin o sinnificau d'ombre afeminau u omosecsual.
Fa tres u cuatro anyos que tenié lo goyo de conoixer a Metabolic a trabiés d'o suyo Fotolog, pero no estió dica la fin d'o pasau berano cuan nos adibiemos a la lista de contautos d'o MSN y prenzipiemos a charrar. Él estió -si no lo primer- una d'as primeras personas que conoixión a existenzia d'iste blog.
A o poco tiempo, una ideya, d'ixas que meten furo a cualsiquiera, nos rondó a cabeza dimpués de que Meta s'ubrise o suyo suyizo blog. A ideya estió chirmanar-los. Tenébanos un prezedén: www.arast.net. Pero nusatros no compartíbanos una ideya politica (u a lo menos no sólo que ixo), sino que compartíbanos dos cosas más traszendentals ta nusatros: emplegábanos como luenga beiclar una luenga minoritaria y charrábanos en os nuestros blogs d'afers relazionaus con o mal clamau "mundo gay".
A ideya permanezió en as nuestras cabezas dica que le diemos forma y dezidiemos fer un terzer blog, iste compartiu, trigando ta ixo a luenga anglesa.
Per ixo, güe tiengo lo goyo de presentar-tos:
¡Aspero que tos cuaque a todas y toz!
lomarica @ 02:09 Tags: nireblog nuebo blog the fags
Meneame | 
del.icio.us
Ola!!
A berdá ye que no he parau cuenta en iste blog nunca (debo dizir que o mio aragonés ye muito olbidau y seguramén inbentaré parolas).
Beigo que la línea editorial ye muy buena, un tema original y que no yera tratau, el tema gay en aragonés, brabo!!
Espero que no cambies y comenzipies a charrar sobre altras cosas porque d'ixa forma ixto blog no tendría sentíu.
Abrazos
Albertico
29-11-2007 - 12:05:55 GMT 1