marica. Ombre omosexual. // 2. Faltada emplegada con u sin o sinnificau d'ombre afeminau u omosecsual.Nadal ye d'ixas calendatas que fan fastio. No per lo que sinnifica, sino per lo que fa remerar que estamos maricas y que, per muita lei de matrimonio que bi aiga estar marica no ye tan azeptau como parixe.
As nueitz de nadal, continan estando como siempre. Primos con nobia, primas con nobio, primos ninos chugando, preguntas tocagüegos d'os familiars a o respeutibe de mozetas,... Y siempre ye a mesma rispuesta: "no en tiengo, si en tenese te lo diría". Berdatz a meyas. Mentiras a meyas. En tot caso, no ye sólo que una mentira ta la parentalla, tamién lo ye ta uno mesmo.
Más que mas, nadal fa fastio si en ixe diya ye o 6eno abo d'anyo con un ex (¡hostia que gran que me foi!). En o mío caso, no le beyeba dende Pilars y agora bibe en Londra, pero ye beniu ta casa, como El Almendro, per Nadal. He quedau con él y atros amigos y a nuestra combersa sobre o cabo d'anyo ye estada curta. Prou corta. En seis anyos cambian muitas cosas...
Parentalla, amigos que fa muito que no beigo, biaches en o bus pleno,... Y plega un inte en que ¡s'atura o mundo! Combersa fata: propositos d'anyo nuebo... y... ¡confesión! "Asperar a que iste me demande bella cosa important!" Oh no! Matrimonio. ¡Alarma! A primera parella d'amigos se casa... U ye fendo plans. Y lo sueltan asinas, de sopetón.
O mundo se'n ba t'abaixo. Toda la resta d'a mesa (maricas totz) ubre a boca. ¡No puede estar! ¿Ya? D'as crisis maricas tres son as piors: conoixer-se y reconoixer-se, salir de l'almario en casa y... ¡as bodas d'os amigos eteros!
Eterorormatibos, claro. Perque per muito matrimonio marica que bi aiga en o nuestro país, iste inte contina estando trachico. L'etero troba parella antis que no lo marica y se casa tamién antis. Mientres os maricas biben en ixe perfeuta adoleszenzia contina, en la que denguno no quiere comprometer-se (pero totz cretican a totz per no querer comprometer-se), de pronto, s'atura lo mundo y a primer parella d'amigos heteros ¡se casan! Y uno prenzipia a pensar...
¿Cómo será la mía boda?
¿L'azeptarán mis pais?
¿Bendrá toda la parentalla? ¿Qué pensará 'la tía de Burgos'?
¿Qué pensarán mis pais de lo que piensa 'la tía de Burgos'?
¿Seré feliz?
¿Seré un infeliz toda la mía vida perque bi abrá chen que no reconoixerá o mío matrimonio? ¿Y si no lo reconoixen os mios amigos? ¿Y si no lo reconoixen mis pais? ¿Y si no lo reconoixe 'a tía de Burgos'?
¿Mi boda será como la d'os míos amigos?
En fin, bodas... Cuasi prefiero la parella de feito.
lomarica @ 01:43 Tags: marica matrimonio nadal
Meneame | 
del.icio.us
A yo tamién de fote que me digan: Tiens nobia?
Yo les digo que no, alabez me dizen: y ixo?
¿Qué asperan que les diga? ¿Asperan que bi aiga una causa ta no tener nobia? Bueno, sí, a mia, ser omosexual. Puestar que siga o millor, dizir-les: No'n tiengo porque a yo me cuacan os ombres. Pero sé que en parte d'a mía familia yo sería l'aspestau. Jajajaja
Iste Nadal mi tia me dizió: estiés en a botiga de fulanita tal diya? y yo: pues no. y me contesta: ye que fulanita me ha dito que te beyó con una mesacha mercando un suchetador!! Yera a tuya nobia o qué?
Me metié todo royo...O millor ese estau que l'ese dito: no, en ixe instante yera buquindo con un ombre que conoxié ixa nuei. Jajajaja
Que baiga bueno. buena añada
mozet
30-12-2007 - 23:45:05 GMT 1