marica. Ombre omosexual. // 2. Faltada emplegada con u sin o sinnificau d'ombre afeminau u omosecsual.Ya ye. Ya ye dos mil güeito. L'anyo d'a fin d'o mundo t'os zaragozans. Ya ye aquí o diya d'anyo nuebo...
Sí, l'anyada pasada ligué en cabo d'anyo. Y sin querer-lo, ni asperar-lo, ni amenistar-lo,... Istas cosas son asinas, funzionan con as Leis de Murphy, y cuan yes buscando no trobas, pero cuan no buscas te troban. Como diz a canta d'Amaral, podébanos estar zelebrando tamién un atro cabo d'anyo, pero no. Fa bels diyas charraba d'os bisexuals, y sí, me referiba a él. Y lo feba con total rabia, cuasi con odio. Ayere le combidé a una biera y me felizitó lo cabo d'anyo, pero me dizió que no quereba fer-se ixa biera con yo.
Maitín tornará a estar cabo d'anyo y, pero barias custions que no bienen a o caso, he bosau as entradas de dos cotillons. Estaré meya nueit con uns amigos y l'atra meya con atros (a mía colla d'amigos se fragmentó en 1999 y asinas continamos...) pero ya sé que si os astros no s'achuntan como suzedió l'anyada pasada, no boi a tener ni la más menima posibilidat de trobar a beluno que trobe tíos, que no boi a poder sisquiera fatiar. Pero totz os míos amigos podrán fer-lo, en un u en atro cotillón, en o suyo rollo. Y, amás, continan dizindo-me a la cara que nunca no irán con yo al ambient 'no baiga a estar que me entre un tío' (u una tía si ye una tía).
No, yo tiengo claro que si maitín trobo lo que quiero trobar, no seré 'confundiu como un nino', sino que abré trobau lo que he quiesto trobar. Y abré trobau más que muitos d'os míos amigos que fatirarán dica l'amanixer con cualsiquier tía que le bufe la pocha (nunca no millor dito). Pero dimpués, qui se'n irá a buquir con o primer culo que i pasa, seré yo. Claro, que ta ixo soi o marica promiscuo.
Pase lo que pase, maitín ta yo será un diya de cabo d'anyo más, un cabo d'anyo en eterolandia en lo que abré de parixer ferliz y integro, sonredindo de traza ipocrita, fendo creyer que soi feliz, pero a la fin, seré en una cantonada d'o bar, mirando-me-lo, perque ixo, una begada más, no ba con yo...
¡Happy new year 2008!
lomarica @ 02:32 Tags: cabo d'anyo 2008
Meneame | 
del.icio.us
Goyosa añada 2008 y aspero que aigas pasau un buen cabo d'año!
Me fa muito goyo o tuyo blog, en afrontar un tema que por desgrazia ye tan 'acomún' cuan no abría d'estar asinas.
D'o que dizes, yo a ran personal no soi guaire d'ir buscando y ixo, o que salga saldrá, bella begada ta remanir de traza seriosa (nunca no m'ha pasau ixo con una mesacha que aiga conoxiu en un bar) y bellas begadas nomás ta pasar un buen rato pero poco más (astí sí que cuasi todas as begadas en bars). No me fa goyo de cheneralizar en prechuizios... pero cuento que una relazión sinzera no se troba en un bar, prou que tamién pende d'as puendas personals.
"Y, amás, continan dizindo-me a la cara que nunca no irán con yo al ambient 'no baiga a estar que me entre un tío' (u una tía si ye una tía)."
Me pareix una barbaridat... sobran os comentarios.
En fin, te deseyo o millor en iste año, que no te'n faigas por ixos que no t'aiman y sí por ixos que t'aiman y/u t'aimarán, que ya beyerás como bi'n abrá, de seguras. Si una persona ye una buena persona as cosas ban solencas.
Por zierto, una chicorrona critica (aspero que no te carrañes). Sé que dende a tuya ambiesta te trobarás con barbaridaz y con un porzentache muito amplo d'a poblazión heterosexual que fa o que comentas, pero no creyes que bella cheneralizazión negatiba d'os heterosexuals ye una mica inchusta? Más que una critica ye un dandalo...
choben
01-01-2008 - 17:22:57 GMT 1
No conozeba lo tuyo blog y l'he trobau per casolidat rechirán per internet.
Entabán nino, me paix una ideya bien bueniza. Cal crebar os guettos, os de l'aragones y os d'os marietas.
Un saludo.
gran
24-01-2008 - 20:52:28 GMT 1