Dimpués de buquir-me
No te i quedés dimpués de buquir-me,
mordiés os míos deseyos y aranyés as mías pasions,
pero no te i quedés.
Me dixés solenco tragando buro,
plorando en l'orgasmo doloroso,
una begada más.
No entiendo per qué prenzipiés
si dimpués ibas a dixar-me.
No me truqués dimpués de buquir-me,
respondiés bel mandau de cabo ta cuan,
pero no me truqués.
Me oblidés como
qui oblida un guante,
una begada más.
No entiendo per qué o buedo plenés
si dimpués ibas a dixar-me.
No me queriés dimpués de buquir-me,
me enganyés ta rendir-me debant de tú,
pero no me queriés.
Biolés o mío deseyo asperanzau
a la libertat más plena,
una begada más.
No entiendo per qué me tornés en a bida
si dimpués ibas a dixar-me.
Aragoneame
del.icio.us
Naixié en Zaragoza en 1983. Güe, tiengo, per tanto, 26 anyos. Soi marica y argüelloso. Marica urbanita y enraizau en o mío bico. Amigo d'os míos amigos (heteros) y sensibilizau con muitas causas perdidas (entre ellas, las d'o colectivo LGTB). Aspiro a que bel diya proclamemos a dictadura d'o maricariau. U, a lo menos, prencipiemos a Intifada Homosexual. No me fa goi Madonna, ni tampoco no Mónica Naranjo. Ni as Girls Aloud ni Kylie Minogue.
Qué poesía más funda.
Alberto | 13-02-2008 - 15:34:45 GMT 1 #