Motibos ta carranyar-se d'un marica (per afers no maricas)
En zagueras, cuasi no tiengo tiempo de pensar en o sexo (¡!). Boi d'aquí t'allá con as mil y una cosetas que tiengo que fer amás d'o treballo, as mil y una cosetas d'as que nunca no parlaré en iste blog.
Beluno d'os míos lectors me dizió ya fa tiempo que asperaba que nunca no dixase de parlar de l'afer tematico d'iste blog y a berdat ye que nunca no lo he feito, encara que muitos d'os míos amigos me digan que no comprenden que escriba un blog sobre iste afer y muito menos en aragonés.
Os aragonesofablans me preguntan que per qué escribo d'iste afer. Os maricas me preguntan que per qué escribo en aragonés si no pueden entender-me. Y os míos amigos -"simplament"- me preguntan que per qué escribo d'iste afer y en aragonés.
Maitín -ya güe-, ye primer de mayo. Si escribise de bella cosa más que d'o sexo abría de dizir que ye o diya d'o treballo. O diya d'o treballo con conflicto laboral con a mía interpresa. Y conflicto grau, pero no en parlaré. No en parlaré perque, encara que l'atro diya creticase a Monica Naranjo, güe no foi atra que ascuitar o suyo zaguer disco.
"Y mi palacio fue la juventud". "Decide ya sin ser sentimental quién te ha dicho la verdad y quien no". "Tengo que olvidar que eso que aprendí menos el amor era todo mentira",...
Ixas parolas, chunto a atras, en iste inte, no fan que fer-me xublidar o conflicto laboral, pero bi ha atros conflictos más importans en iste inte (eteros, no prebez d'empatizar, ye claro que no podrez). O sabado he quedau con a mía amiga Jessy ta salir per -literalment- "los garitos más sórdidos de la ciudad". ¿Ye irresponsable que me'n faiga más ixo que os problemas laborals? ¿U ye que o mío palazio estió a chobentut u que he de dezidir sin estar sentimental qui me dizió a berdat y quién no? ¿U nomás que ye tiengo que xublidar que ixo que aprendié -mesmo as relazions laborals-, menos l'amor, yera tot mentira?
Talment sí, ye irresponsable. Pero ye que nadie dizió que os maricas -ni yo- sigamos responsables. Paraz cuenta que a nuestra simient se troba con caca cuan buquimos (¡cudiau, que asinas tamién amamos! -puede estar que nomás que belunos-). No bi ha atra irresponsabilidat a os güellos de Dios.
Bien se bale que ixe no ye o Dios de Chesucristo. Puede estar atro, pero no pas ixe. Nomás cal remerar os bersos d'Alber.
Per zierto, que iste maitín m'he trobau con -clamemos-le- o-zagal-de-fa-un-anyo. Yo yera en o bus, él en a parada. No m'ha bisto. Yera tan poliu como siempre. Pero encara lebo un anyo asperando que nos faigamos un café. Bel diya tos charraré d'él, que a lo menos, él, si lo leye, puede entender-lo. Que ye aragonesofablán. Y gai. ¿Rarizo, no?
Bueno, a lo menos tan rarizo como yo.
¿Entendez l'enfado? Yo no. Abría d'estar-lo, pero no lo soi. Y ixo que no tiengo ganas de buquir,... encara que m'aiga nomorau. Dos begadas.
Aragoneame
del.icio.us
Naixié en Zaragoza en 1983. Güe, tiengo, per tanto, 26 anyos. Soi marica y argüelloso. Marica urbanita y enraizau en o mío bico. Amigo d'os míos amigos (heteros) y sensibilizau con muitas causas perdidas (entre ellas, las d'o colectivo LGTB). Aspiro a que bel diya proclamemos a dictadura d'o maricariau. U, a lo menos, prencipiemos a Intifada Homosexual. No me fa goi Madonna, ni tampoco no Mónica Naranjo. Ni as Girls Aloud ni Kylie Minogue.
A yo tamién me demandan per qué escribo o mío blog en aragonés. Que asinas dengún no me entenderá.
Yo les digo que yo foi o blog porque me fa goyo y me fa goyo de fer-lo en aragonés, y yo no me miro de que totz lo entiendan sino de fer bella cosa que me cuaque. Y si no lo entienden, que aprendan aragonés. Cadagún fa lo que le peta y prau. Si os tuyos amigos no entienden o tuyo blog, que no i dentren. ¿Si eses feito o blog en anglés? De seguro que no tendrías tantas quejas...
Baiga bueno!
Alberto | 01-05-2008 - 18:46:37 GMT 2 #
O problema no ye que lo escriba en aragonés, sino que lo escriba en aragonés y sobre tema marica. Si lo escribise en aragonés u sobre tema marica en castellán, no hi habría problema.
Con respeuto a lo de fer-lo en anglés... jejejeje. Tiengo un blog a pachas en anglés con atro colega (http://thefags.nireblog.com) y me dizen que ye pior fer-lo en anglés que no pas en aragonés... ;)
Salut y grazias per leyer-me y comentar-me.
Lo Marica | 01-05-2008 - 21:05:46 GMT 2 #
El llíu entama cuando decides en qué llingua escribir un blog.
Cola llingua mayoritaria, vas algamar más xente.
Pero cola llingua minoritaria, tas faciendo daqué valioso.
Y cuando te surde facer un blog billingüe, ye un enriedu...
Qué facer...
metabolic | 01-05-2008 - 23:48:30 GMT 2 #
Talment sí, ye irresponsable. Pero ye que nadie dizió que os maricas -ni yo- sigamos responsables. Paraz cuenta que a nuestra simient se troba con caca cuan buquimos (¡cudiau, que asinas tamién amamos! -puede estar que nomás que belunos-). No bi ha atra irresponsabilidat a os güellos de Dios.
propecia online | 02-02-2010 - 19:56:51 GMT 2 #
hello
generic propecia | 09-02-2010 - 21:33:32 GMT 2 #