¡Sinbergonya!
39: Pinars de Benezia - Badorrei; a l'altaria de l'abenida San Chusep. Una sinyora ye posada a o mío canto y per a finestra d'o bus se bei una mozeta d'unos 25 anyos bestida con una faldeta fineta y un top. Brenca más.
- Oi! Qué bergonya! No sé cómo s'atreben a salir asinas ta la carrera.
Denguno no le fa caso. Torna a ripitir:
- ¡Qué bergonya!
Me la miro, pienso un ratet. Me la torno a mirar. (Se masca la masacre).
- ¿Le fa mal mirar-se ixo?
- Sí, ye que no tiene bergonya.
- Allora más mal le ferá saber que ye posada a o canto d'un maricón.
Silenzio.
Chilo... Oiii!
- Sinbergonya!
Se fazió lo silenzio. Dica la parada.
Ye lo más poliu que m'han clamau dica agora per estar maricón: "sinbergonya". Lo que encara me pregunto ye per qué no se debantó d'o mío canto si le daba tanta bergonya. Bueno, sí, yera una lola...
Naixié en Zaragoza en 1983. Güe, tiengo, per tanto, 26 anyos. Soi marica y argüelloso. Marica urbanita y enraizau en o mío bico. Amigo d'os míos amigos (heteros) y sensibilizau con muitas causas perdidas (entre ellas, las d'o colectivo LGTB). Aspiro a que bel diya proclamemos a dictadura d'o maricariau. U, a lo menos, prencipiemos a Intifada Homosexual. No me fa goi Madonna, ni tampoco no Mónica Naranjo. Ni as Girls Aloud ni Kylie Minogue.
inzivilizado —
Jajajaja, muy bueno, hubiera estado bien estar ahí para ver la cara de la "sinbergonya"
23-06-2008 - 08:55:08 GMT 2
alberto —
Jajaja, qué bueno. A yo tamién me fa goyo de picar a las lolas puñeteras cuan se meten furas en os buses. Pero yo o más fuerte que les ne he dito ye "bustet ye una cascarrabias" A rispuesta ye a mesma "sinvergüenza".
23-06-2008 - 17:08:26 GMT 2
trasgu —
¡¡¡Qué grande yes!!!
Salú dende Asturies, préstame muncho´l to blogue
26-06-2008 - 22:47:51 GMT 2