¿A mía vida ye una puta mierda? Puede estar, pero tamién puede estar que no... Tot ye una custión de midas, una custión de preferencias, una custión d'ideyas...
A vida puede estar una puta mierda tan fácil como no puede estar-lo. Puede estar tan buena como mala, tan intresant como aburrida, tan blanca como negra.
A vida, a la fin, no ye que un camín enta la muerte. Y nomás bi ha que una, como ta desperdiciar-la.
Uno ya no sabe lo que ye, ni ye lo que sabe. Uno ye un cuerpo errante enta la muerte y enta la finitiva paz. Enta l'orgasmo final que ye o bienestar que puede dar no estar, no sentir, no sofrir, nomás estar que un esmo trafegau dimpués d'una baralla enta la demba final.
Y, tanimientres, per o camín, uno puede tirar a suya vida per l'escusau u fer-la d'a traza suya, prebando d'estar feliz en un mundo d'infelices, u prebando d'estar infeliz en un mundo de felices.
(Y, amás, lo sabes,...)
A lo millor ye una mierda estar gai, a lo millor ye una mierda desperdiciar a vida prebando d'estar feliz cuan prevoca más felicidat estar 'normal', estar integrau, estar una familia feliz servida en un plato bullindo.
¿Qué ye estar feliz? ¿Qué ye estar infeliz? ¿Quí lo mide?
Si nomás bi ha que una reyalidat ta cadagún, ¿cómo se sabe si l'atra reyalidat no ye la más feliz? No se podrá prebar un atra reyalidat... ¿u si? ¿Ye ta cutio?
¿Qué ye cutio?
...
Barucas. De nueit. No me faigaz caso. Soi canso, solenco en casa, y os míos amigos son muito luen. (Y fa fredo).
O patxaran fa pensar...
Naixié en Zaragoza en 1983. Güe, tiengo, per tanto, 26 anyos. Soi marica y argüelloso. Marica urbanita y enraizau en o mío bico. Amigo d'os míos amigos (heteros) y sensibilizau con muitas causas perdidas (entre ellas, las d'o colectivo LGTB). Aspiro a que bel diya proclamemos a dictadura d'o maricariau. U, a lo menos, prencipiemos a Intifada Homosexual. No me fa goi Madonna, ni tampoco no Mónica Naranjo. Ni as Girls Aloud ni Kylie Minogue.
Diapllin —
Puestar que a mia bida siga una graniza mierda. Pero si ixo lo se ye perque uno: Me cuaca que siga asinas
u dos: a lo menos soi conszien d´a mia reyalida y puedo cambear-la ( ya que en soi conszien.)
Ta os budistas bi ha una reyalida. Nomas una. Cadagun beye ixa reyalida d´una traza.
Asinas que no bi ha una reyalida mas feliz, sino muitas trazas diferens de beyer a mesma reyalida.
Si toz estasemos en o Nirvana, antimas d´estar felizes ta cuitio, beyeriamos a reyalidad toz igual.
ufff... prou furo ta un sabado de nueis... amenisto un par de bieras!!
AU!
28-02-2009 - 23:56:16 GMT 2